|
 NOG
NUUNT NIE VAN G'HUURD?!...
De Gentsche Sosseteit es een a-politieke verieniginge zonder
winstuugmirk, die ope stoat veur iederen echte Genteneere én
"buitenlander" (pas op: doar klappe wij uuk tege...)
't Es de bedoelinge ons eigenste Gentsche moedertoale te promote, in
stand t' hèwe en contacte te leggen tussche Genteneers in Gent en mee
uitgeweke nog otantiek dialectsprekende Genteneers in binne- en
buitenland.
Verder belune wij alle joare prominente Genteneers deur hulder hand in
de ploaster te veriewige. Dad 'handsje' wordt bewoard in een schrijn
woar da langst den binnenkant de kurte levensbeschrijvinge van de
laureoat stoat.
Die schrijntsjes wierden tot december 2003 scrupuleus bewoard in de
kluize van de Fortisbanke op de Kijter. In februoari 2004 wierden z'
allemoal overgebrocht noar ons nieuw archief in de Kunsthal St.-Pietersabdije,
ons ter beschikkinge gesteld deur de stad.
't Es uuk de bedoelinge van ons leden op d' huugte t' hèwe van al wat
dat er in Gent in 't Gentsch rijlt en zeilt op gebied van volkstheoater,
cabaret, puppentheoater, zang en muziek, ... en zu te moake dan de
Genteneers een beetse meer bij malkoar over de vloer kome.
Aktiviteite
In 't veurjoar hèwd de Sosseteit zijn gruut joarlijks banket woar dan
al d'echte Genteneers malkoar keune tegenkome op een goeie buikvullinge.
Da klapt gemakelijker.
In de lente kome wij uit gelijk de meuleneers en doen me altijd een
wandelinge of bezoeke me ieveranst 't een of 't ander minder bekend
hoekske van de stad, en... d'explicoasje wordt u vaneigens gegeve in 't
Gentsch.
Meestal keund' op 't einde uw kele spoele mee nen dreupel of iets
anders.
Tege de Gentsche Fieste krijgen al ons lede een program van al wat dat
er binst de Fiesteweke in en over 't Gentsch te doen es: volkstoniel,
cabaret, vertellers, zangers, puppenspel, en zuuvuurs.
Vanaf medio 2005 stuurdege me regolmoatig ons 'Elektronieke G@zette'
noar ieder lid die een ie-meeladres hoa. Nu stoat ze op onze wepsaait.
De gazette verschijnt oas't ons past.
In 't noajoar, oas de bloaren al goe afgevalle zijn, hemm' ieder joar
onze moment suprème: de plechtige uitreikinge van 'de Gentsche Handsjes'.
Zuu nu en tons doeme ne kier een soamenwirkijnge mee een aantal
gelijkgestemde Gentsche vereniginge of geve me ne kier iets uit: nen
boek of ne CD.
|